Ndërron jetë në moshën 66-vjeçare, aktori shqiptare Valter Gjoni nga koronavirusi. Prej më shumë se një jave ai ishte infektuar nga COVID, betejë të cilën ai nuk e fitoi.
Lajmin e ka bërë të ditur djali i tij, Klevis Gjoni në rrjete sociale. Valter Gjoni lindi në Tiranë dhe përfundoi studimet në Akademinë e Arteve.
Fillimisht nis punën si aktor dhe regjisor në Trupën Artistike të Ushtrisë, në Teatrin Popullor (Kombëtar), pranë kinostudios “Shqipëria e Re” dhe RTSH. Ka luajtur në 60 role në teatër, 8 role në kinematografi, ka realizuar 5 filma dokumentarë etj.
Ka kryer kualifikime në disa vende si Francë, Holandë, Danimarkë, Greqi etj. Ka shkruar shumë artikuj kulturor. Në vitin 1991 Gjoni nisi punë në Bashkinë e Tiranës, ku punonte si drejtues i sektorëve, që lidhen me artin.
Valter Gjoni ka realizuar rreth 20 ekspozita dhe 8 botime tematike. Ai mban disa tituj nderi brenda dhe jashtë vendit, ku titulli më i larta është Kalorës i Urdhrit të Meritës së Republikë Franceze dhe Urdhrin “Naim Frashëri” i Republikës së Shqipërisë dhe “Mirënjohja e Qytetit të Tiranës”.
