Kryeministri Edi Rama ka publikuar një grafik që tregon numrin e jetëve të humbura nga Covid-19 për 1 milion banorë.
Përmes një postimi në rrjetet sociale, Rama shkruan se nuk duhet të dëgjoni mendjet e mbrapshta të gojëve të shthurura.
“Ja numri i jetëve të humbura për 1 milion banorë në rajon e përreth dhe krahasoheni tani me kërdinë e mendjeve të mbrapshta e gojëve të shthurura, që ju derdhin papushim helmin e gënjeshtrave, shpifjeve, sajesave nga çdo kanal i infektuar.
Mos i dëgjoni pa maskën mbrojtëse të fakteve! Ruajuni nga e keqja që duan t’ju fusin në shpirt e në tru! Dhe mos e harroni këtë që po ju bëjnë!” shkruan Rama.
