Pothuajse një në pesë persona që kanë pasur Covid-19 diagnostikohen me një çrregullim të sistemit mendor si ankthi, depresioni ose pagjumësia brenda tre muajve nga testimi pozitiv për virusin, sipas një studimi që sugjeron që duhet të ndërmerren veprimet e nevojshme për të zbutur këtë pasojë.
Sipas një analize të kryer nga studiuesit nga Universiteti i Oksfordit dhe NIHR Qendra e Kërkimit Biomjekësor Shëndetësor në Oksford – gjithashtu u zbulua se njerëzit me një diagnozë para-ekzistuese të shëndetit mendor kishin 65% më shumë gjasa të diagnostikoheshin me Covid-19 sesa ata që nuk e kanë pasur atë diagnozë.
Për të ekzaminuar nëse rreziku ishte i lidhur drejtpërdrejt me Covid-19, studiuesit krahasuan të dhënat me gjashtë gjendje të tjera gjatë së njëjtës periudhë: gripi; infeksione të tjera të traktit respirator; një infeksion i lëkurës; gurët në tëmth; gurë në traktin urinar; dhe fraktura.
Në tre muaj pas diagnostikimit me Covid-19, 5.8% e pacientëve kishin diagnozën e tyre të parë të regjistruar të crregullimit mendor, krahasuar me 2.5% në 3.4% të pacientëve në grupet e krahasimit – pothuajse një dyfishim i rrezikut, sipas letrës së botuar në revistën Lancet Psikiatria.
