Kryeministri izraelit Benjamin Netanyahu uroi sot herët në mëngjes Joe Biden-in për fitoren e tij, si edhe Kamala Harris, e para zëvendëspresidente në historinë e SHBA-së.
“Joe, ne kemi patur një marrëdhënie personale të gjatë dhe të ngrohtë për gati 40 vjet dhe unë ju njoh si një mik të madh të Izraelit”, shkroi Netanyahu në Twitter.
Më tej ai shkruan se “Unë pres të punoj me të dy ju për të forcuar më tej aleancën e veçantë midis SHBA-së dhe Izraelit”.
Por një mesazh tjetër kryeministri izraelit nuk harron të falenderojë Trump për mbështetjen që i ka dhënë në zgjidhjen e krizës izraelito-palestineze dhe në përballjen me Iranin.
“Faleminderit @realDonaldTrump për miqësinë që i keni treguar shtetit të Izraelit dhe mua personalisht, për njohjen e Jeruzalemit dhe Golanit, për mbrojten ndaj Iranit, për marrëveshjet historike të paqes dhe për çuarjen e aleancës Amerikano-Izraelite në lartësi të paprecedenta”, shkruan Netanyahu.
