Ditën e sotme u shua një emër i madh i basketbollit shqiptar Viron Toska, i cili humbi betejën më Covid -19 pas disa javësh në intubim.
Pas këtij lajmi ka reaguar në rrjetet sociale drejtuesi politik i PS-së në Vlorë Damian Gjiknuri, i cili shpreh ngushëllimet për familjarët dhe thotë se sporti shqiptar humbi një profesionist të klasit të parë dhe që i bëri vlonjatët krenarë
“Me pikëllim mora lajmin se Viron Toska, trajneri rekordmen i klubit të Flamurtarit në basketboll për femra, humbi betejën me COVID-19.
Vlora humbi një qytetar model, vlonjatët humbën njeriun që me punën e suksesin e tij i bëri të ndjehen krenar edhe në momente të vështira ndërsa sporti shqiptar humbi një profesionist të klasit të parë.
Shpreh ngushëllimet më të sinqerta për familjen, miqtë dhe të afërmit për ndarjen nga jeta të njeriut të tyre të dashur!”, shkruan Gjiknuri.
