85 trupa të pajetë janë nxjerr nga rrënojat e ndërtesave që shembi tërmeti 6.6 ballë që goditi të premten Izmirin, ndërsa numri i të plagosurve ka arritur në 994 persona.
Sipas përditësimit të fundit të AFAD, 85 qytetarë tanë kanë humbur jetën, ndërsa janë plagosur 994 të tjerë, prej të cilëve 774 pasi kanë marrë mjekim kanë lënë ambientet e spitalit. Me dëmtime të shumta dhe duke marrë mjekim në spital janë ende 220 persona.
Ndërkohë, ekipet e kërkim-shpëtimit po punojnë nën rrënoja edhe në 8 ndërtesa të tjera të shembura.
Kujtojmë se, në orën 14.51 me orën lokale turke, në detin Egje u regjistrua një tërmet me forcë 6.6 ballë rihter, i cili shkaktoi edhe mini cunami. Tërmeti goditi Turqinë dhe Greqinë. Në Turqi qyteti më i goditur është Izmiri, ndërsa në Greqi ishulli Samos ku mbetën të vdekur dy adoleshentë.
