Një në 100 persona që preken nga Covid-19 e humbin betejën me këtë virus të rrezikshëm. Ky wshtw projeksioni i epidemiologut britanik, Neil Ferguson, i cili thekson se shkalla e vdekshmërisë nga virusi është 1.15 për qind.
Profesori Ferguson dhe kolegët e Imperial College në Londër pretendojnë se llogaritjet e tyre janë ndër më të saktat deri më tani. Sidoqoftë, shifra e tyre është dyfish më shumë sesa vlerësimi i ekspertëve më të mirë në Organizatën Botërore të Shëndetësisë, të cilët thonë se IFR qëndron në rreth 0.5 për qind.
Ai ishte autor i studimit të famshëm të Imperial College në Londër, që në shkurt bëri që Johnson, Trump dhe Macron të ndryshojnë mendim për koronavirusin me parashikimet e tij katastrofike, në rast të shkujdesjes politike (500 mijë vdekje në Britani të Madhe dhe dy milionë në SHBA).
Në muajin maj, Neil Ferguson, një personalitet i epidemiologjisë angleze dhe autor i një studimi vendimtar për pandeminë nga Imperial College dha dorëheqjen nga komiteti shkencor i qeverisë britanike, pasi ndërsa nxiste vendin të qëndronte në shtëpi gjatë bllokimit, ai takohej me të dashurën e tij.
