Kryeministri Edi Rama ka reaguar sërish ndaj kryedemokratit Lulzim Basha, pas akuzave që ky i fundit ripërsërit çdo ditë përpara gazetarëve.
Kreu i qeverisë, teksa po inauguronte nisjen e punimeve për ndërtimin e një lagjeje të re për 11 mijë banorë në Tiranë, u shpreh se Basha flet për “mafia imagjinare dhe kërkon që Tirana të mbytet nga plehrat”.
“Kryetari i opozitës çdo ditë është i fiksuar që ne nuk duhet të paguajmë për të përpunuar mbetjet e Tiranës, por duhet ta lëmë Tiranën që të mbytet nga plehrat. Dhe në mënyrë hileqare dhe si rrjedhojë e aftësisë për të parë përtej hundës së vet, u thotë përditë shqiptarëve se ne po japim para nga buxheti për një mafia imagjinare të inceneratorëve. Ndërkohë që në fakt jo. Teksa ne po përballemi me plagën e madhe të 26 nëntorit të shkuar, dhe ndërkohë kur po përballemi me këtë armik të padukdshëm, duke mos i lënë asgjë mangut njerëzve që kanë nevojë për shërbim. Sipas tij po harxhokemi kot para. Sipas tij duhen shpërndarë dhe shpërndarë, për të na future sërish në gropë sikur na la. Njëherë në fund të gropës si piramidat dhe një herë buzë gropës si në 2013”, deklaroi Rama.
Prej disa ditësh, opozita ka nisur një fushatë të paprecedentë kundër inceneratorëve. Kujtojmë se në kohën kur Basha ishte kryetar i bashkisë së Tiranës, ai kontraktoi pikërisht një kompani, që kishte lidhje me kunatin e tij, Erjon Isufin, për përpunimin dhe riciklimin e mbetjeve, duke krijuar një monopol në Sharrë.
Ai kishtë planifikuar edhe një kontratë, ku mbetjet do trajtoheshin 30% më shtrenjtë sesa sot.
