Mediat online shpërthyen disa orë më parë nga lajmi se Saint, djali i Kim dhe Kanye West, është shtruar në spital javën e kaluar me pneumoni.
Tani, 37-vjeçarja ka folur për atë që djali i saj i vogël ka përjetuar gjatë kohës së tij në spital.
“Djali im i çmuar është kaq i fortë. Pasi kalova tre netë në spital duke parë fëmijën tim me oksigjen, fundi i vitit ishte sfidues. Pneumonia është kaq e frikshme. Unë vetëm dua të falënderoj çdo infermiere dhe mjek që kanë punuar kaq shumë gjatë gjithë kohës. Ne jemi mirënjohës për ju. Ai tani është në shtëpi dhe është më mirë. Saint im i fortë”, shkroi Kim në llogarinë e saj në Instagram së bashku me një fotografi me djalin e saj.
