Komisioni i Sigurisë Kombëtare thërret në seancë dëgjimore gazetarin Adriatik Doçi. Ky i fundit është personi që denoncoi si të parregullta procedurat e dhënies së disa nënshtetësive nga Presidenti Meta.
Kërkesa e firmosur nga 8 deputetë, kërkon që gazetari të paraqesë të gjitha informacionet që di në lidhje me dhënien e këtyre nënshtetësive, për një person që ka kryer 5 vrasje në Kosovë, për fshirjen e dekreteve nga faqa e Presidencës, për dhënien e nënshtetësisë futbollistit të Tiranës Winful Cobinnah, etj.
Sipas të dhënave të gazetarit Adriatik Doçi, Cobinnah e ka marrë shtetësinë për 8 orë. Gjithashtu, Komisioni kërkon informacion dhe për shtetësitë e dhëna për shqiptarët e Maqedonisë së Veriut.
