Në Shqipëri ashtu sikurse edhe në pjesen me të madhe të vendeve të tjera të prekura nga virusi, është konfirmuar zyrtarisht vala e dytë e Covid-19. Përmendim këtu Gjermaninë por edhe Italinë e cila pas humbjeve të medha që kaloi duket se sërisht do të ketë një “lock-down” sipas vendimit të kryeministrit Conte.
Ajo që po vihet re është shtimi i rasteve asimptomatikë kryesisht tek moshat e reja. Kjo e fundit ka hedhur poshtë një nga mitet më të “keqperdorura” që prej fillimit të pandemisë ku thuhej se Covidi prek vetëm moshat e mëdha.
Diten e djeshme, kryetarja e Federatës së Mjekëve në Evropë, Aurora Meta Dollenberg tha në një intervistë se virusi po perhapet më shumë nga të rinjtë.
Më herët edhe kreu i urgjencës, Brataj u shpreh se sheh një neglizhencë tek të rinjtë dhe se këta të fundit po “keputën” ndërkohë që mosha e madhe po “ia hedh” semundjes.
Skënder Brataj: Virusi e ka ndryshuar shfaqjen e sëmundjesshmërisë. Djersët apo kolla janë format e lehta, ndërsa temperatura dhe bllokimi i mushkërive janë format e rënda. Ne po shohim tani të moshuar që po ia hedhin sëmundjes dhë të rinj që po këputen. Sepse të moshuarit po mbrohen. I terrorizuam moshat e treta, mos dilni se do vdisni, bëni kujdes. Ndërsa të rinjtë nuk po marrin masa. Janë më neglizhentë.
Edhe OBSH, dy muaj me parë ngriti alarmin kur deklaroi se: “Të rinjtë po nxisin përhapjen e pandemisë.”
Kujtojmë se vetëm tre ditë më parë një 21 vjeçar i prekur me Covid-19 nga Elbasani ndërroi jetë.
Kjo duhet të shërbejë si kembanë alarmi për moshat e reja që jo rrallëherë neglizhojnë edhe vendosjen e maskës mbrojtëse në rrugët e qytetit.
AlpeNews.al
