Një ngjarje e rëndë është regjistruar ditën e djeshme në Prishtinë, ku dy shtetas të huaj janë plagosur me armë zjarri.
Ngjarja ka ndodhur rreth orës 13:30, ndërsa dy të huajt dyshohet se janë qëlluar nga shoferi i taksisë metë cilën po udhëtonin.
Ai u ka grabitur atyre telefonat dhe më pas i ka qëlluar me pistoletë, duke i lënë të plagosur.
Viktimat janë dërguar në QKUK dhe janë jashtë rrezikut për jetë, ndërsa policia vijon hetimet për ngjarjen.
“Prishtinë 24.10.2020 – 13:30. Raportohet se dy meshkuj shtetas të huaj kanë informuar se vozitësi (i pa njohur) i një taksi, ju ka grabitur telefonat mobil dhe më pas me armë zjarri i ka plagosur të dy viktimat. Viktimat janë dërguar në QKUK për tretman mjekësor dhe janë jashtë rrezikut për jetë”, ka njoftuar policia në raportin 24 orësh
