Kryeministri Rama sot përsëriti për të dytën herë mundësinë e një dialogu dhe bashkëbisedimi me grevistët e Ballshit, për të zgjidhur çështjen e tyre.
Thirrja e kreut të qeverisë nuk është marrë parasysh nga grevistët, të cilët kanë thënë se vetëm të vdekur do dalin nga greva, nëse nuk gjendet zgjidhje për pagat e prapambetura.
Me anë të një shënimi në rrjete sociale, Rama shprehet i keqardhur për mosarritjen e një mirëkuptimi për të ndalur grevën, teksa thotë se kusuret e një kompanie private nuk duhet t’i faturohen qeverisë.
Keqardhje për refuzimin për të ndërprerë grevën në Ballsh,sepse pa u ndalur greva nuk do të nisë dot asnjë bashkëbisedim!Ideja se duke u futur në grevë mund t'i faturosh qeverisë kusuret e një kompanie private është shumë e gabuar. Me t'u ndalur greva ulemi bisedojmë vëllazërisht
— Edi Rama (@ediramaal) October 21, 2020
