Dy persona janë arrestuar nga Policia pasi dyshohet se kanë qëlluar me breshëri plumbash drejt një servisi në zonën e Kasharit.
Ngjarja ka ndodhur rreth orës 04:10 të mëngjesit, ndërsa Policia me të marrë njoftim është vënë në ndjekje të tyre.
Në bashkëpunim me Blutë e Durrësit, dy të rinjtë që drejtonin një mjet tip Mercedes Benz janë ndaluar te “Ura e Dajlanit” dhe janë shoqëruar në Drejtorinë e Tiranës. Policia po kërkon armën e zjarrit pasi dyshohet se ata e kanë hedhur gjatë rrugës.
Informacion paraprak
Më datë 10.10.2020, rreth orës 04:10, është njoftuar salla operative se në Qafë-Kashar, nga një mjet tip “Benz” dyshohet se është qëlluar me armë zjarri drejt një servisi ku ka vetëm demë materiale.
Menjeherë pas marrjes së njoftimit, sherbimet e Policisë u vunë në ndjekje të mjetit të dyshuar ku në bashkëpunim dhe me Policinë e Durrësit, në vendin e quajtur “Ura e Dajlanit” u bë kapja e dy personave të dyshuar të ngjarjes.
Shërbimet e Policisë janë duke ushtruar kontroll të banesave të këtyre shtetasve si dhe vijon kontrolli në rrugën interurbane Tiranë-Durrës pasi dyshohet se gjatë ndjekjes nga Policia këta shtetas kanë hedhur armën e zjarrit në rrugë.
Shtetasit e kapur do shoqërohen në DVP Tiranë për veprime të mëtjeshme.
Për arsyje hetimi nuk bëhen me dije gjeneralitet e tyre deri në përfundim të veprimeve.
