Treguesit e epidemisë së COVID-19 janë përkeqësuar më tej në 24 orë e fundit në Francë, me një rritje të re të numrit të pacientëve në kujdesin intensiv dhe më shumë se 20 000 raste të reja pozitive, një rekord i ri, sipas shifrave të lëshuara sot nga Shëndeti Publik.
“Numri i pacientëve të shtruar me COVID-19 u rrit sërish sot me një total prej 1 439 pacientësh në kujdes intensiv, 21 më shumë se një ditë më parë dhe një tjetër rekord që nga maji”, tha agjencia shëndetësore.
“Në 24 orët e fundit, 20 339 raste të reja COVID-19 janë zbuluar, një rekord që nga përdorimi i testeve në shkallë të gjerë, si edhe kanë vdekur 62 persona”, shtoi ajo.
Në kulmin e epidemisë, në fillim të prillit, më shumë se 7 000 pacientë u shtruan në spital në këto shërbime, kryesisht ata që kishin nevojë të viheshin në frymëmarrje artificiale.
Ky numër më pas ra ndjeshëm deri në fund të korrikut, pastaj evoluoi në 350-400 pacientë deri në fund të gushtit, para se të rifillonte një rritje konstante.
Kapaciteti aktual kombëtar është rreth 5 000 shtretër të kujdesit intensiv.
