Udhëheqësit politikë në rajonin e Liverpoolit kanë njoftuar 40 milion paundë fonde emergjente për pub-et, baret dhe restorantet në mesin e kufizimeve të fundit anti-Covid.
Liderët e Këshillit nga Liverpool, Wirral, St Helen’s, Sefton, Halton dhe Knowsley – të cilët përbëjnë Autoritetin e Kombinuar të Rajonit të Qytetit Liverpool – u kërkuan bizneseve të shtyjnë vendimet për vendet e punës dhe mbylljet pasi ishin duke u përpjekur për të gjetur fonde për t’i ndihmuar ata. Ky sektor thuhet se gjeneron rreth 5 miliardë paundë për rajonin dhe mbështet më shumë se 50,000 vende pune në 4,000 biznese.
Javën e kaluar, sekretari britanik i Shëndetësisë njoftoi kufizime më të rrepta për pjesë të Anglisë veriore, përfshirë Liverpoolin, që do të thotë se njerëzit nga familje të ndryshme e kanë të ndaluar të takohën në ambjente të mbyllura ku përfshihen pub-et, baret dhe restorantet.
Sot, autoriteti i kombinuar njoftoi se kanë bashkuar paketën e kujdesit prej 40 milion paundë për industritë e goditura më shumë nga kufizimet e fundit, me argumentin se duhet të veprojnë pasi masat do ta vështirësojnë edhe më shumë situatën ekonomike të zonës, edhe kështu mjaft të rënduar.
