Propozimet e Partisë Socialiste për procesin zgjedhor pritet të shkojnë të hënën për votim në kuvend. Në një lidhje në emisionin “Opinion” deputeti Damian Gjinkuri shpjegoi këtë platformë dhe mënyrën e renditjes së kandidatëve në fletën e votimit, që sipas Gjiknurit do të bëhet nga partia.
“Qytetari voton për ekipin politik, por brenda ekipit politik ka të drejtë që me votimin e tij ta ndryshojë këtë renditje. Ka një listë me renditje që është preferencë e partisë . Nëse numri 7 merr numrin mesatar të votave për një mandat ai merr automatikisht mandatin, nëse kandidatët që janë të renditur më lart kanë numër më të vogël votash”, u shpreh Gjiknuri.
I pyetur nga gazetari Blendi Fevziu nëse një deputet I vendosur në listë më poshtë do ta spostonte të parin e listës, nëse merr më shumë vota se ai , Gjiknuri tha se kjo nuk ndodh në formulën e propozuar nga PS.
Lidhur me koaliacionet, Gjiknuri tha se nuk e lejon kushtetauta kolaicionet e përbëra të propozuara nga PD.
“Le të gjejnë një vend në hapësirën e OSBE- ODIHR që të funksionojë siç thonë këta. Partitë politike do kenë koalicionin e tyre, por me një listë”, tha Gjiknuri duke u shprehur gjithashtu se drafti i PS nuk prek marrëveshjen e 5 Qershorit.
Ndërkohë, lidhur me votimin e së hënës dhe pyetjes nëse mazhoranca do ta votojë atë, Gjiknuri tha: “Ne kemi një diskutim me opozitën parlamentare, mund të bëjmë disa kompromise nesër”.
Fevziu: I keni votat?
Gjiknuri: Besoj që votat për të kaluar propozimet zgjedhore janë, por ne do të ushtrojmë çdo lloj mundësie për të gjetur kompromis, qoftë me ata brenda edhe me ata jashtë. Ju thamë: gjeni një formulë të kompozimit të koalacionit në një ligj europian dhe hajde diskutojmë edhe për hapejn e listave dhe për koalicionet./Opinion.al
