Djali i kryeministrit grek Kyriakos Mitsotakis ka nisur dje ushtrinë në kufi me Turqinë. Mësohet se 22-vjeçari do të shërbejë për 1 vit në Alexandopouli, në kufirin tokësor greko-turk në verilindje
Lajmin e ka dhënë vetë kryeministri në një postim që ka bërë në rrjetet sociale, ku dhe duket qartë se ndihet mjaft krenar, teksa shpreh keqardhje që nuk ishte vetë në Alexandopouli për t’u mburrur me të.
“Babi shumë krenar! Më vjen keq që, për shkak të Covid-19, nuk mund të vija në Alexandroupolis të mburrem me ty!” shkruan ai. Mësohet se ai sapo ka mbaruar studimet në Boston dhe tashmë ka ngecur në Greqi prej pandemisë.
