Një skandal i madh ka shpërthyer në Vatikan, pas një scoop-i të publikuar nga revista L’Espresso dhe nga e përditshmja La Repubblica, e që është bërë lajm i parë në mediat europiane dhe botërore.
Njeriu më i besuar i Papës, Kardinali, Giovanni Angelo Becciu, me detyrë Perfekt i Çështjeve të Shenjtëve në Selinë e Shenjtë, ka dhënë dorëheqjen pasi akuzohet se ka përdorur paratë e vatikanit për të blerë një apartament në Londër dhe për të financuar një biznes të vëllait të tij.
Kardinali është larguar pas një audience të gjatë me Papa Françeskun në zyrën e tij, ku kreu i Kishës Katolike, i ardhur nëntë vjet më parë për të pastruar selinë nga korrupsioni ka shprehur zhgënjimin e tij për këtë gjë prej njeriut që e konsideronte më të besuarin.
Por kardinali ka dalë në një konferencë shtypi dhe ka kundërshtuar akuzat.
“Ashtë pak e çuditshme, në raste të tjera e kisha parë veten duke folur për gjëra të tjera, jo për mua, ndihem paksa e trullosur. Dje deri në 6.02 jam ndjerë një mik i Papës, ekzekutuesi besnik i tij. Pastaj Papa thotë se nuk ka më besim tek unë sepse ai mori paralajmërimin nga prokurorët se unë do të kisha kryer veprime të përvetësimit “.
Kështu deklaroi Angelo Becciu në një konferencë për shtyp pas dorëheqjes së tij mbi akuzat se ai kishte devijuar fondet e Vatikanit.
“Unë rinovoj besimin tim në Atin e Shenjtë – thotë kardinali – Duke u bërë një kardinal, unë premtova të jepja jetën time për Kishën dhe për Papën. Ato 100 mijë euro, është e vërtetë, unë i kam dhënë Caritasit. Në 7-8 vjet unë kurrë nuk kisha bërë një punë mbështetëse për Sardenjën. Unë e di që në dioqezën time ka një emergjencë veçanërisht për papunësinë, ndaj doja t’i ndanim ato 100 mijë euro te Caritas “. Pastaj Becciu specifikon se shuma e kaluar nga Caritas në kooperativën e menaxhuar nga vëllai i tij i cili bashkëpunon me Caritas në Ozieri: “Ato para janë akoma atje, nuk e di pse jam akuzuar për përvetësim”.
“Për pallatin në Londër – vazhdon ai – Fondi i Shën Pjetrit nuk u prek, nuk u përdor. Sekretariati i Shtetit kishte një fond, ai duhej të rritej”. Ndërsa për Caritas-in e Ozierit 100 mijë euro erdhën nga Obolo, por ishte një qëllim “bamirës”, përsëriti Becciu, megjithatë duke u përgjigjur se dje me Papën, në audiencën që zgjati “njëzet minuta”, nuk përmendej asnjëherë pallati i Londrës.
Sidoqoftë, Papa e la Becciu të qëndrojë në apartamentin e tij në Vatikan.
Becciu raporton se ai nuk ka marrë ndonjë komunikim nga prokurorët por “Unë jam këtu, unë jam gati të sqaroj, veçanërisht pasi nuk kam më të drejtat si kardinal” dhe për këtë arsye nuk është e nevojshme që Papa të japë një leje qëndrimi.
“Unë nuk ndjehem i korruptuar”, shtoi ai, duke u përgjigjur gjithashtu se nuk ka frikë nga ndonjë arrestim. Raporti i përvetësimit të mundshëm erdhi nga Guardia italiane Finanza pas kërkesës për një hetim nga prokurorët e Vatikanit.
Hetimi
Shtatëqind mijë euro të destinuara për bamirësinë e Papës përfunduan në operacione që do të kishin përfituar vëllezërit. Ky do të ishte kundërshtimi që vetë Papa Françesku do t’i bënte ish-numrit dy të Sekretariatit të Shtetit të Vatikanit, Imzot Angelo Becciu, i cili dje i dorëzoi postin e tij Kongregatës për Kauzat e Shenjtorëve në duart e Bergoglio-s, pra vetë Papës, duke hequr dorë nga të drejtat e tij si kardinal.
Veçanërisht, në qendër të diskutimit me Papën kishte qenë disbursimi i një kontributi të jashtëzakonshëm prej njëqind mijë eurosh – nga “paratë e Papës për të varfërit”, për të mbështetur aktivitetet bamirëse të Caritas në Ozieri e cila përfundimisht do të ishte e destinuar jo për Caritas, por për krahun operacional të organizatës, ku rezulton president, vëllai i Becciut, Antonino.
Ish-numri dy i Sekretariatit të Shtetit dyshohet se bëri presione të ngjashme të supozuara për të favorizuar nënshkrimin e partneritetit midis Caritas të Romës dhe kompanisë Angel’s Srl, drejtues i së cilës është vëllai i tij Mario.
Ndërkaq, një tjetër fond që cilësohet se është pjesë e kontrollit direkt të Bergoglios, ka përfunduar si porosi tek një mobileri e vëllai tjetër të kardinalit, Francescos, nga një seri ambasadash- Nunciatura të Vatikanit, përfshirë atë të Angolës – ku vetë Becciu ishte nunc për një kohë të gjatë – për një shumë gjithsej 80 mijë euro, dhe ajo e Kubës, për rreth 15 mijë euro.
Ndërkaq, familja Becciu ka kundërshtuar akuzat, duke deklaruar se i gjithë investigimi i revistës italiane është i pabazë.
