Një makinë është përfshirë nga flakët në Qafë Thanë. Makina tip “Audi A6” është nxehur në ngjitje të Qafë Thanës dhe më pas ka marrë flakë.
Top Channel mëson se fatmirësisht nuk ka të lënduar nga incidenti, pasi personat që udhëtonin në të kanë arritur të dalin para se ngjarja të merrte përmasa tragjike. Në makinë udhëtonin, një burrë, grua dhe një fëmijë.
Gjithashtu bëhet e ditur se në vendngjarje është ndaluar qarkullimi, që ka bërë që radha e makinave të jetë e gjatë siç shihet dhe nga pamjet që Top Channel sjell, ndërsa ka mbërritur dhe zjarrfikësja për të shuar flakët.
