Lulzim Basha, pasi bëri tamponin me urgjencë, ka shkuar mbrëmë tek Blendi Fevziu, për të folur për planet e tij si kryeministër i ardhshëm.
Gjatë emisionit, përveçse qetësoi Berishën, duke i thënë se mund të bëhet deputet ku të dojë, nuk është se tha ndonjë gjë me shumë interes.
Por, gjatë emisionit, ai tha një gënjeshtër skandaloze, për të cilën duhet të dalë e të kërkojë falje.
Basha u shpreh live, se mjekët kanë lënë punën dhe kanë dalë të protestojnë, për shkak të kushteve të punës.
Gjë që në fakt ka qenë e pavërtetë.
“Atë që sot e quajmë ushtri për t’u mbrojtur nga pandemia sot e ke të rraskapitur, e ke të lodhur, e ke pas asnjë mjet, të dorëzuar.
Kemi mjekë që vdesin çdo javë.
Sot, para se të vija këtu është njoftuar një grevë nga mjekët. Një orë para se të vija këtu është njoftuar një grevë një orëshe.
E kemi sistemin në kolaps total, sepse nuk janë marrë masa nga kjo qeveri”, deklaroi Lulzim Basha.
Është e vërtetë në fakt, ajo që thotë Ilir Meta për të, se ai të gënjen edhe për orën.
Por në këtë rast, ndoshta do të bënte mirë t’iu kërkonte ndjesë mjekëve.
