Një ngjarje e rëndë tronditi dje Tiranën, ku Preng Gjinit iu bë atentat në zonën e “Vasil Shantos”. Detaje të tjera kanë dalë në dritë pas ngjarjes së rëndë. Raportohet se prej vdekjes së të vëllait, 51-vjeçari ka jetuar i fshehur, pasi i druhej një atentati.
Pjesën më të madhe të kohës ka jetuar në Tiranë, ndërsa 2 vajzat e tij dhe bashkëshortja jetojnë në Amerikë.
Ai kryente lëvizje shumë të pakta në kryeqytet dhe pjesën më të madhe të kohës ishte në shoqërinë e kushëririt të tij, që ka banesën shumë pranë vendit ku ndodhi shpërthimi (pas UET).
Mjeti ku ishte vendosur lënda plasëse është në pronësi të kushëririt të Gjinit. Atentatorët kanë pasur si objektiv sulmi pasagjerin e mjetit, që në të shumtën e ditëve ishte 51-vjeçari. Por, për rrethana që ende nuk dihet, mbrëmjen e djeshme ai lëvizi i vetëm në makinë, në pozicionin e drejtuesit të mjetit. Dy të plagosurit e tjerë që ishin kalimtarë, italiani dhe 14-vjeçari kanë lënë spitalin.
