Shkaktar i askidentit të rëndë në dalje të tunelit të Elbasanit dyshohet se është bërë një shofer në gjendje të dehur.
Sipas raportimeve paraprake, 55-vjeçari Behar Pema, ka qenë duke udhëtuar me shpejtësi tepër të madhe, ndoshta edhe në gjendje të dehur, në momentin që me makinën e tij tip “Mercedes Benz” ka përplasur një “Volkswagen” ku udhëtonin 4 vajza.
Makina e vajzave ka humbur kontrollin dhe është përplasur më pas me bordurën anës rrugës. Përplasja ka qenë tepër e fortë, duke e shkatërruar makinën si në pjesën e pasme, ku u godit nga “Benz”-i dhe përpara.
Për pasojë katër vajzat rreth moshës 20-25 vjeçe pësuan dëmtime të rënda. Për nxjerrjen e dy prej vajzave u desh ndërhyrja e zjarrfikëses. Të plagosurat u dërguan me urgjencë në spitalin e Elbasanit, ku fatkeqësisht dy prej tyre, 21 dhe 23-vjeçe, ndërruan jetë.
