Ministri i Brendshëm Sandër Lleshaj ka qenë në Vlorë sot për prezantimin e forcave të reja ‘Shqiponja’ nga ku ka deklaruar se nuk do të jetë më ministër. Kjo deklaratë vjen pak ditë pas zërave që qarkulluan në media për largimin e tij nga kabineti qeveritar “Rama 2”.
“Nuk do jem i përhershëm në qeveri, është e sigurt se sdo të jem më ministër. Asnjë nuk është i përhershëm në një post”, deklaroi Llesha.
leshaj së bashku me Drejtorin e Përgjithshëm të Policisë së Shtetit, Ardi Veliu prezantoi strukturën e re ‘Shqiponja’ në Vlorë. Ai foli për përmirësim të të gjithë indikatorëve të cilët masin performancën e punës së policisë. “Qëllimi është lufta e vendosur kundër krimit. Ndaj është nevojë e dorës së parë që policia të jetë e pajisur, e trajnuar etj. Ndërkohë sfida e re do të jetë luftimi i krimit edhe aty ku nuk ka qënë traditë e fortë. Kryesisht në fushën e krimit kibernetik dhe krimit ekonomik. Ndërsa ftoi të rinjtë e diplomuar në sektorët përkatës ti bashkohen rradhëve të policisë”, tha ai.
Lleshaj komentoi edhe zhvillimet e OFL-së duke theksuar se pasuritë e krimit do të kthehen asete publike. Ndërsa Vlora, sipas tij nuk kryeson më listën e qyteteve kryesore të kultivimit të lëndëve narkotike si rrjedhojë e punës së policisë.
Ndërkohë Ardi Veliu deklaroi se forcat “Shqiponja” në Drejtoritë Vendore kanë si qëllim bashkëpunimin me qytetarët dhe krijimin e një strukture moderne. “Për të rritur parametrat e sigurisë, ky është shembulli më i mirë se siguria është një sipërmarrje e përbashkët”, tha ai.
Veliu tha më tej se strukturat që operojnë në Vlorë kanë përballuar me sukses luftën kundër kultivimit, trafikimit në rrugë detare, përballimin e sezonit turistik dhe situatës së pamdemisë.