Bota po pret me ankth daljen e një vaksinë për Covid-19 dhe Rusia është shteti i parë që ka zhvilluar këtë vaksinë.
Ekspertët në mbarë botën janë skeptikë, duke pretenduar se ajo nuk është testuar mjaftueshëm për të parë nëse vërtetë ka rezultat.
Sipas shkencëtarëve rusë, në studimet e Fazës 1 dhe 2 të vaksinës, e cila quhet Sputnik V, të gjithë 76 pjesëmarrësit në studim zhvilluan antitrupa ndaj virusit. Nivelet e përgjigjes së antitrupave neutralizues ishin të ngjashme me përgjigjen imune që njerëzit kishin pasi u rikuperuan natyrshëm nga Covid-19, sipas studimit.
“Rezultatet tregojnë se vaksinat gjithashtu prodhojnë një përgjigje të qelizave T brenda 28 ditëve,” shkruajnë studiuesit.
“Të dhënat mbi studimet e vaksinave ruse të raportuara në ‘The Lancet’ janë inkurajuese”, tha Brendan Ëren, profesor i patogjenezës mikrobike, London School of Hygiene and Tropical Medicine.
Por, ata që morën vaksinën kishin edhe efekte anësore, si dhimbje koke dhe kyçesh.
Studiuesit në Qendrën Kombëtare të Kërkimit Gamaleya për Epidemiologji dhe Mikrobiologji në Rusi morën miratimin në 26 Gusht për të zhvilluar një provë të Fazës 3, e cila pritet të ketë 40,000 vullnetarë, sipas një njoftimi për shtyp nga “The Lancet”.
