Partia Socialiste ka propozuar datën 9 maj për mbajtjen e zgjedhjeve parlamentare, ndërsa opozita datën 18 prill.
I pari që ka shkuar sot në Presidencë ka qenë Shpëtim Idrizi i PDIU-së dhe Arjan Madhi, i cili përfaqësonte Partinë Republikane. Gjatë deklaratës së tyre ata kërkuan datën 18 prill, si datën më të shpejtë që lejon kushtetuta për mbajtjen e zgjedhjeve.
Përfaqësuesit e partive opozitare, Madhi e Dule pas takimit në presidencë deklaruan që zgjedhjet të zhvillohen në 18 prill. Ndërsa Shpëtim Idrizi shpërtheu kundër Greqisë për kufijtë detarë dhe tha se Shqipëria duhet të kërkojë Çamërinë.
Edhe Vangjel Dule e Arben Tafaj që zhvulluan takim me kreun e shtetit kanë kërkuar 18 prillin si datë për mbajtjen e zgjedhjeve.
Në orën 11.00 në takim me Metën do të shkojë kryeministri Edi Rama, njëherësh kryetari i Partisë Socialiste, për të vijuar në 12.00 takimi me Lulzim Bashën. Ndërkohë në orën 12.30 në takim do të jenë përfaqësuesit e Lëvizjes Socialiste për Integrim.
Në 17.30 pritet të shkojë në Presidencë edhe përfaqësuesja e opozitës parlamentare, Rudina Hajdari. Pas këtyre konsultave kreu i shtetit pritet të dalë me një datë për zgjedhjet e vitit 2021.
