“Shqipëria po luan rol konstruktiv në rajon dhe kjo është arsyeja për të cilën dhe Gjermania mbështetet rolin e Shqipërisë në Procesin e Berlinit”.
Kështu është shprehur ambasadorja gjermane në Shqipëri Suzane Schutz, në një intervistë për ATSH-në, nga ku ka shpjeguar kushtet paraprake për vazhdimin e negociatave për integrimin në BE, për vendet e Ballkanit Perëndimor.
“Bashkëpunim i mirë rajonal është një aspekt shumë i rëndësishëm i integrimit në BE i të gjithë rajonit. E dini psh procesit i normalizimit midis Serbisë dhe Kosovës, është kusht paraprak i rëndësishëm, si e kuptoj unë, për të dy vendet, për Serbinë që të vazhdojë negociatat, pra bashkëpunimi në këtë rajon përtej kufijve është shumë shumë i rëndësishëm, gjithashtu për BE-në dhe për një të ardhme paqësore në Bashkimin Evropian në përgjithësi”, ka sqaruar ambasadorja.
Gjatë intervistës ajo foli edhe për Zyrën Rajonale për Bashkëpunim Rinor me seli në Tiranë, e njohur ndryshe si RYCO, të cilën e cilësoi si rezultatin më konkret të procesit të Berlinit. Schutz theksoi se RYCO deri tani ka rezultuar i suksesshëm.
“RYCO është rezultati më i rëndësishëm dhe deri tani, më konkreti i Proçesit të Berlinit, i nisur në 2014 kryesisht nga qeveria Gjermani së bashku me Austrinë, Italinë, Francën dhe Britaninë e Madhe dhe kështu që në besojmë se RYCO është produkt/pasardhës i këtij bashkëpunimi dhe për këtë arsye ne jemi shumë të lumtur që po shkon drejt suksesit tani”, theksoi ajo.
Lidhur me nënshkrimin e memorandumit të bashkëpunimit mes FBP dhe RYCO, ajo tha se “e mirëprita bashkëpunimin midis Fondit të Ballkanit Perëndimor dhe RYCO (Zyrës Rajonale të Rinisë).
E dini që RYCO u ndihmua në hapat e tij fillestarë nga Gjermania dhe Franca, të cilët kanë dhënë kontributin e tyre nëpërmjet eksperiencës së bashkëpunimit të rinisë Franceze dhe Gjermanë pas-lufte.
Ne besojmë se RYCO është një vlerë e vërtetë për Shqipërinë që është këtu dhe të nisë bashkëpunimet me të rinjtë e Ballkanit Perëndimor si një urë bashkëpunimi në rajon”.
Ambasadorja Gjermane tha se këtë vit(2018) do të nisin edhe projektet konkrete mes të rinjve nga i gjithë rajoni, ku sipas saj këta të fundit do të shërbejnë si ura bashkëpunimi edhe për të ardhmen./ata.gov.al
