Rrugët e Tiranës tashmë do të jenë të veshura me ngjyra të reja, ku biçikletat jo vetëm të kenë korsitë e tyre dhe të ecin të sigurt, por të kenë edhe vendet e tyre të parkimit. Parkimi i biçikletës tani jo vetëm që nuk do të jetë me stres për pedaluesit, por me stacionet e reja shumëngjyrëshe do bëjnë që të shktohen më shumë çiklistët në Tiranë. Vendparkimet tashmë janë vendosur në Komunën e Parisit, Urani Panon dhe Stadiumin Dinamo.
Kryebashkiaku i Tiranës Erion Veliaj ka postuar disa foto, ku përbri tyre shkruan: “Mirëmëngjes Tirana! Stacionet e reja të biçikletave me ylbere ngjyrash na ftojnë për të shijuar pedalimin në turin e kryeqytetit.”
