Presidenti i Bjellorusisë Aleksander Llukashenko, ka hedhur poshtë ofertën e Francës për të ndërmjetësuar midis qeverisë dhe opozitës pas zgjedhjeve të kontestuara. Në një tubim në Misk, Llukashenko ka refuzuar ofertën e presidentit Emmanuel Macron, duke iu referuar në mënyrë ironike dhe protestave të “jelekverdhëve” një lëvizje, e cila zhvilloi me muaj protesta antiqeveritare në Francë.
“Presidenti francez, Emmanuel Macron dëshiron të ndërmjetësojë negociatat në Bjellorusi. Më lejoni së pari të vij unë dhe të jem një ndërmjetës midis jelekverdhëve dhe Macron,”- ka thënë Aleksander Llukashenko, raporton AA.
Gjithashtu, ai i është përgjigjur kritikave të Sekretarit të Shtetit të SHBA, Mike Pompeo , ndaj Bjellorusisë pas zgjedhjeve të 9 gushtit, të cilat Lukashenko i fitoi, duke thënë se SH.B.A së pari “të zgjidhë problemet e saj”.
Ai gjithashtu ka thënë, se mendon që protestat në Bjellorusi janë ndikuar nga jashtë për të kriijuar midis Rusisë dhe pjesës tjetër të Evropës, të përbërë nga tre shtetet baltike, Bjellorusia dhe Ukraina, duke shtuar se Bjellorusia është “komponenti i fundit që parandalon përfundimin e qarkut”.
“Shtetet e Bashkuara i planifikojnë të gjitha këto dhe i drejtojnë, ndërsa Evropianët luajnë së bashku. Ju e shihni, kur ka trazira aty pranë dhe tanket fillojnë të lëvizin dhe avionët fluturojnë, nuk është rastësi,”-ka thënë ai.
Protestat në Bjellorusi shpërthyen, pasi Llukashenko u shpall fitues i zgjedhjeve të 9 gushtit, por opozita dhe BE nuk e njohin rezultatin. Svetlana Tikhanovskaya, kryetarja e opozitës, sipas BE është fituesja.
