Një studim i ri zbulon se një person që e ka mundur COVID-19, ka mundësi të riinfektohet me virusin e rëndë.
“IMUSFQ ka raportuar rastin e parë të provuar të riinfektimit të SARS-CoV-2, që shkakton COVID-19 në një pacient nga Ekuadori”, shkroi në Twitter Institutit të Mikrobiologjisë në Universitetin e Quito-s, Ekuador.
“Gjenomet e virusit të pranishëm te ky pacient me COVID-19 janë sekuencuar në maj dhe sërish në gusht, duke treguar se ato janë dy lloje të ndryshme”, vazhdoi ai.
Sëmundja mori një rrjedhë të lehtë te pacienti ekuadorian në maj dhe ai tregoi simptoma të moderuara në gusht.
Në periudhën mes dy infektimeve, testi i koronavirusit i kryer në korrik ishte negativ.
Studiuesit në Ekuador zbuluan gjithashtu se infeksioni i dytë i pacientit pati një rritje të imunoglobulinës kundër virusit në trupin e tij, që do të thotë se ai tashmë kishte antitrupa.
Studiuesit në Hong Kong, Belgjikë dhe Holandë kishin raportuar më parë raste të dokumentuara të infeksioneve të rinovuara me koronavirus.
Shkencëtarët amerikanë, gjithashtu, paraqitën kohët e fundit një infeksion të koronavirusit të përtërirë në një pacient, që tashmë ishte shëruar disa kohë më parë.
Sipas OBSH, më shumë se gjashtë muaj pasi u shfaq Sars-CoV-2, nuk dihet shumë për riinfeksione të mundshme.
