Ana është një zonjë 59 vjeçare nga Tirana, e cila ishte e infektuar nga koronavirusi po r fatmirësisht ia doli ta mposhtë atë.
Ajo është ende e dobët dhe e lodhur nga ajo që ka kaluar, ndërsa rrëfen për News24 historinë e saj.
Gjithçka nisi në mes të korrikut kur temperatura 37.5 bëri që ajo të dyshonte se ishte infektuar me COVID-19, ndërsa gjendja përkeqësohe ditë pas dite dhe e detyruan Anën të bënte skanerin e mushkërive në një klinikë private.
Ditën e 9 pas shfaqjes së simptomave Ana u shtrua në spitalin “Shefqet Ndroqi” ku pas diagnostikimeve mjekët i rekomanduan ta vazhdonte terapinë në shtëpi, pasi i duhej të kujdesej për të atin e moshuar, i prekur edhe ai thuajse në të njëjtën kohë nga koronavirusi.
Pas më shumë se 1 muaji vuajtjesh fatmirësisht ajo yashmë është mirë, por ajo që kaloi do të mbetet gjatë në kujtesën e saj, pasi në shtratin e sëmundjes për disa ditë qëndroi edhe babai i saj, i cili nuk mundi ta fitonte betejën me virusin vdekjeprurës.
Ky është pengu që Ana thotë se do ta shoqërojë gjithë jetën, ndërsa shton se çdo terapi e ka mbuluar me shpenzimet e veta, pasi spitali nuk ofronte asgjë për pacientët që kuroheshin në shtëpi.
59 vjeçarja iu bën thirrje të gjithëve, edhe skeptikëve; që të bëjnë kujdes për të parandaluar prekjen nga COVID-19. Ajo kërkon nga të gjithë që nëse nuk kujdesen për veten, të paktën të kujdesen për të tjerët.
