Në Kapshticë situata vijon të jetë shqetësuese dhe e tensionuar, me qytetarët të cilët janë të tejlodhur nga pritja e gjatë.
Burime nga terreni bëjnë me dije se shumë qytetarë janë bllokuar dhe ende vijojnë të presin për të kaluar kufirin.
Më shumë se 100 persona janë aty që prej mëngjesit të sotëm, ndërsa thuhet se është plotësuar kuota e 300 personave për të kaluar.
Disa janë larguar nëpër hotele dhe disa presin në makina. shqetësimi kryesor i qytetarëve mbetet afati i skadimit të tamponit, pasi ata tregojnë se nuk kanë mundësi ta bëjnë sërish dhe kërkojnë që të mos pengohen për të kaluar.
Tashmë janë të detyruar të qëndrojnë edhe natën e sotme në pikën kufitare në Kapshticë, duke pritur mëngjesin tjetër që të kalojnë.
