Lugina e Valbonës është një destinacion turistik, shumë i vizituar në çdo stinë të vitit.
Kjo luginë shtrihet në qendër të Alpeve Shqiptare, në Rrethin e Tropojës.
Valbona ka mahnitur shumë vizitorë të huaj dhe vendas, të cilët nuk kanë reshtur së vizituari duke u rikthyer çdo vit.
Më aventurierët ngjiten në male për të ecur, ndërsa të tjerët preferojnë të shëtisin përgjatë bregut të lumit e pranë ujëvarës. Për të shkuar në Valbonë, turistët lundrojnë me traget nga Komani në Fierzë, e më pas me mjete të tjera mbërrijnë në zonën turistike.
Në Valbonë mund të gjeni restorante dhe mund të shijoni gatimet tradicionale, me çmime relativisht të mira ndryshe nga jugu i vendit.
Lugina e Valbonës me ajrin dhe freskinë e saj, është destinacioni i duhur për t’u vizituar në këto ditë të pakta vere,pasi edhe freskia e kohës e bën më të këndshëm udhërimin në këtë vend. / Rreth e rrotill Shqipërisë.