Gjykata e Kavajës ka caktuar masën e sigurisë “arrest shtëpie” për 60 vjeçarin me iniciale A.SH., pasi akuzohet se ka ngacmuar seksualisht një shtetase të mitur 13 vjeçe.
Seanca gjyqësore u zhvillua me dyer të mbyllura.
Ishte prokuroria ajo që kërkoi këtë masë sigurie ndërsa Gjykata e la në fuqi.
Kjo mase sigurie u kerkua nga organi akuzes per shkak se nuk ka prova te mjaftueshme, pasi, sipas saj, kemi te bejme me dy deklarata te vajzes qe akuzon dhe 60-vjecarit qe mohon akuzat.
Ndaj edhe eshte vendosur arrest shtepie deri ne perfundim te hetimeve.
Mësohet se i arrestuari dhe familja e 13-vjeçares janë banorë të kryeqytetit por që çdo vit shkojnë me pushime në Kavajë aty ku kanë dhe banesat e plazhit.
E mitura ka treguar në polici se 60-vjeçari e ka prekur në vende intime disa herë dhe kjo e ka detyruar t’i drejtohet Komisariatit të Golemit.
Siç raporton gazetari i Panorama, Leonidha Musaj, 60-vjeçari ka deklaruar në Polici:
“Nuk e kam prekur. Unë e njoh prej kohësh, se jetojmë në të njëjtin vend kur vijmë me pushime, nuk është e vërtetë që e kam prekur vajzën apo të kem pasur tendencë për këto veprime”.
