Një 57-vjeçar me origjinë shqiptare por banues në Zvicër mund të dënohet me 16 vjet burg për vrasje.
Të paktën, këtë dënim ka kërkuar prokurori në gjykatën e rrethit Bucheggberg-Wasseramt në Solothurn.
I akuzuari, Imran S. i cili u rrit në Maqedoni, veproi me “egërsi të veçantë”, tha prokurori në pretencën e tij. Ai ekzekutoi dhëndrin, Alil A. 34-vjeç.
Motivet?
I akuzuari kurrë nuk dha një arsye për të shtënat, tha prokurori. Sidoqoftë, është e qartë se kjo lidhet me një konflikt të gjatë brenda familjes. 57-vjeçari ishte i shqetësuar për nderin e familjes dhe nderin e tij personal. Me dhëndrin, ai dëshironte të eliminonte burimin e tensionit.
Avokatët thonë se ishte një krim në gjaknxehtësi, duke kërkuar një dënim me 4 vjet burg. Ai kishte frikë për jetën e së bijës sepse dhëndri e kërcënoi gruan me vdekje. 57-vjeçari duhet të lirohet nga akuza e rrezikimit të jetës, pasi nuk kishte asnjë rrezik për gruan kur u arrit qëllimi.
Burri rrëfeu në gjyq të mërkurën se kishte vrarë dhëndrin me dy të shtëna në vitin 2017 në Gerlafingen. Në gjykatë ai kërkoi falje për atë që bëri. “Me vjen shume keq. Unë e shoh veten si fajtor“, tha ai në shqip para gjykatës së rrethit. Ai u përpoq të mos dëmtojë seriozisht dhëndrin e tij. “Asnjëherë nuk kam menduar që diçka e tillë do të ndodhte, kurrë.”
Krimi
Sipas aktakuzës, vajza e të pandehurit foli në telefon më 20 shkurt 2017 për një zënkë me burrin e saj. Gjatë telefonatës, i pandehuri nxori një pistoletë nga dhoma e gjumit dhe shkoi në shtëpinë e vajzës në Gerlafingen.
Kur arriti atje, i gjeti duke u grindur me njëri-tjetrin. I pandehuri tërhoqi pistoletën dhe ia drejtoi dhëndrit. Ai e qëlloi në distancë të afërt. Kur dhëndri ishte i pavetëdijshëm në dysheme, i pandehuri gjuajti sërish. Viktima vdiq në spital natën tjetër.
Gjykata e rrethit Bucheggberg-Wasseramt pritet të jap gjykimin e saj javën e ardhshme. I pandehuri është në burg që prej atëherë. /Panorama/
