Lehtësohet situata në doganën e Kakavijës, e shkaktuar nga radhët e gjata qyetarëve që prisnin për të kaluar në shtetin helen.
Aktualisht në këtë pikë kufitare, radha e atuokolonës është më pak se 700 metra, një shkurtim i madh, krahasuar me pikun e arritur dy ditë më parë dhe që shkoi në 22 kilometra.
Ndërhyrja e autoriteteve të Janinës, ka mundësuar vazhdimin e punës nga pala greke edhe gjatë natës. Ora tashmë ka kaluar 22:00 që ishte parashikuar për mbylljen e punës, por sipas informacioneve nga kjo pikë kufitare, puna po vijon normalisht. Edhe pas arritjes së kuotës prej 750 personash në ditë, autoritetet greke kanë vendosur të lejojnë kalimin edhe të pjesës tjetër të atyre që janë në pritje.
Megjithatë, nga dita e nesërme, të gjithë ata që duan të udhëtojnë drejt Greqisë, duhet të kenë testin negativ në gjuhën angleze për 2 ditët e fundit.
