Kryeministri Edi Rama, ka reaguar për marrëveshjen historike mes Izraelit dhe Emirateve të Bashkuara Arabe duke thënë që një ngjarje e tillë është me të vërtetë frymëzuese.
Përmes një postimi në Twitter, Rama ka reaguar në rolin e kryetarit të OSBE-së, duke shkruar se një frymë të tillë duhet ta ndjekin edhe vendet në rajon.
“Kjo është me të vërtetë frymëzuese dhe uroj me gjithë zemër që të frymëzojë të tjerët në rajon të ndjekin me të njëjtin frymë dhe të punojnë së bashku për një të ardhme të përbashkët të të gjithë njerëzve të tyre. Urime për të tre miqtë e shkëlqyer të Shqipërisë”, shkruan Rama.
