Gjykata ka lënë në burg për 30 ditë, Mariglen Topuzin, njërin prej autorëve që qëlloi me breshëri plumbash, ndaj hotel “Voloreka” në Pogradec.
Sot, RENEA, gjatë një aksioni në këtë qytet ka arrestuar edhe 4 autorët e tjerë, mes tyre dhe koka e organizimit të 2 atentateve ndaj pronarëve të këtij hoteli.
Topuzi është 34 vjeç, banues në fshatin Buçimas, Pogradec dhe është i dënuar më parë për veprën penale “Shkatërrimi i pronës me zjarr”.
Në cilësinë e provës materiale atij iu sekuestruan 1 mjet motor tip “Suzuki”, pa targë, 2 skafandra të përdorura nga autorët, ku janë fiksuar prova biologjike dhe balistike të tyre, fishekë luftarakë, si edhe pamje filmike të filmuara nga kamerat e sigurisë.
