Ministrja e Kulturës Elva Margariti ka reaguar për ndarjen nga jeta të skulptorit të njohur Arben Bajo.
Bajo humbi jetën nga COVID-19. Lajmi u konfirmua mëngjesin e sotëm nga miqtë e tij në rrjetin social “Facebook”.
Ndërsa kujton punën e vyer të skulptorit ministrja shprehet se kujtimi dhe vepra e mjeshtrit të skulpturës do të jetë gjithmonë mes nesh.
Statusi:
“Me shumë gjasë në studio të ka mbetur një punë e papërfunduar. Ishe në kulmin e krijimtarisë tënde dhe është e pabesueshme, që nuk do të kthehesh më aty…
Një ditë kaq e trishtë sot!
Kemi një artist më pak..
Arben Bajo, ky mjeshtër i skulpturës, i mprehtë, zbërthyes karakteresh…. u nda prej nesh.
A mundet të të themi lamtumirë kaq herët!?
U prehsh në paqe!
Kujtimi dhe vepra jote do të jetë gjithnjë mes nesh!”, shkruan Margariti.
