Doktor Joseph Varon nuk ka pasur fare ditë pushimi prej muajsh. E premtja ishte dita e 13-të e tij radhazi që drejtonte njësinë e koronavirusit në Qendrën Mjekësore të Përkujtimit të Houston-it.
“Nëse më pyet se si dreqin kam qenë në gjendje të mbijetoj për 134 ditë pa ndalesë, mendoj se është adrenalina. Por po vrapoj mes tymit, është e vështirë”, tha ai.
Dhe java e kaluar ishte akoma më e vështirë për të. Teksa Houston po shënon rritje rekord të rasteve me Covid, ai firmosi më shumë certifikata vdekje se në çdo moment të karrierës së tij.
Dita e punës së Varon nis herët, rreth orës 4 e 30 ose 5 të mëngjesit. Ai shkon në spital dhe menjëherë niset drejt repartit ku po trajtohen pacientët më koronavirus.
Ai dhe kolegët diskutojmë për rastin e secilit pacient. “Ai është i përfshirë në gjithçka dhe shumë personal”, tha fotografi Callaghan O’Hare, i cili e ka ndjekur disa herë gjatë muajve të fundit.
“Ulet në shtrat me njerëzit, i përqafon dhe bisedon me ta. Është e mrekullisht e bukur për ta parë”, shtoi ai.
Kujdesi për pacientët me koronavirus zgjat minimumi 10 orë çdo ditë, tha Varon. Pas kësaj, ai takohet me pacientët e tij të tjerë në spital, që nuk kanë koronavirus.
“Nëse jam me fat, kthehem në shtëpi para orës 10 të darkës. Nëse nuk kam fat, që ndodh shpesh, shkoj në shtëpi pas mesante”, rrëfeu ai.
