Numri i personave që e kanë fituar betejën me koronavirusin në të gjithë botën ka shkuar në më shumë se 11 milion. Në bazë të të dhënave të pasqyruara në Worldometer, rezulton se numri i të shëruarve nga Covid-19 në të gjithë globin është 11,167,839.
Ndërsa, numri i personave që janë infektuar me koronavirus që nga fillimi i pandemisë e deri më tani është 17,771,308, prej këtyre personave, fatkeqësisht 683,266 nuk ia kanë arritur që të mbijetojnë.
Vendi më i prekur nga pandemia vijon të jetë SHBA ku numërohen 4.7 milion të infektuar dhe 156,752 viktima.
Ndërsa, vendi i dytë më i prekur është Brazili me rreth 2.7 milion të infektuar prej të cilëve 92,568 persona nuk e kanë fituar betejën me sëmundjen.
Vendi i tretë në botë më i prekur nga pandemia mbetet India ku numërohen 1,701,307 të infektuar dhe 36,583 viktima.
