Eni Bardhi, infermierja 32 vjeçare me origjinë shqiptare është pjesë e grupit të ekspertëve italianë që kanë mbërritur sot në vendin tonë për të ndihmuar në luftën kundër Covid.
Infermierja tha se ndihet e emocionuar të kontribuojë për vendin e saj, sakaq në një intervistë për report tv shtoi se ka qarë në momentin e parë që mori vesh se është një nga infermieret që do të vijë në Shqipëri.
“Mundësia që më dha shteti shqiptar dhe Italian, më ka bërë shumë të emocionuar, për atë që po bëj në vendin ku po e bëj. Është vendi ku kam lindur dhe nuk harrohet. Jam shumë e emocionuar.
Në momentin e parë kur mora vesh se do vij, qava nga emocioni, i tregova familjes çfarë do bëja dhe janë shumë të kënaqur për misionin. Familja e priti shumë mirë këtë lajm se janë persona se nuk harrojnë nga vijnë.
Dua të ndihmoj spitalin ku do punoj për eksperiencën tonë në spitalin në Itali. Do flasim si mund të ndihmohet në këtë moment. Siç kaloi në Itali mund të kalojë edhe në Shqipëri. Çdo gjë mund të kalojë”, ka thënë ajo.
