Katër restorante dasmash në Lezhë janë gjobitur nga policia për shkak se kanë organizuar evenimente pa distancim fizik, në kundërshtim me aktin normativ.
Restorantet e dasmave të gjobitura janë në Lezhë dhe në Ishull Lezhë, ndërsa pronarët e subjektëve janë M.B., Y.Z., E.U. dhe E.Z. Sipas policisë çdo subjekt është gjobitur me shumën e 1 milionë lekëve të reja.
Policia e Lezhës apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
