Kreu i Shtetit Ilir Meta përmes një shënimi në facebook, shprehet se hapja e listave 100%, propozim ky i Partisë Demokratike dhe Opozitës së Bashkuar është e vetmja rrugë për rikthimin e parlamentarizmit në vend.
Teksa thekson se sovraniteti i përket popullit, Presidenti deklaron se tashmë ka ardhur koha që shqiptarët të zgjedhin dhe të flasin vetë.
“Populli do të zgjedhë shumë më mirë se Kryetarët, të cilët i kthyen deputetët në kartonngritës shkatërrues të interesit publik, shtetit ligjor dhe demokracisë”, shkruan Presidenti.
Postimi i plotë:
Listat e hapura 100 % janë e vetmja rrugë për rivendosjen e parlamentarizmit dhe llogaridhënies në vend.
Populli do të zgjedhë shumë më mirë se Kryetarët, të cilët i kthyen deputetët në kartonngritës shkatërrues të interesit publik, shtetit ligjor dhe demokracisë.
Bashkë me deputetët populli duhet të zgjedhë drejtpërdrejt në të ardhmen edhe Presidentin e Republikës.
Koha që shqiptarët të zgjedhin dhe të flasin vetë!
SOVRANITETI NË REPUBLIKËN E SHQIPËRISË I PËRKET POPULLIT!
