Në Itali ulet numri i të vdekurve nga COVID-19 po ashtu edhe rastet e reja. Në 24 orët e fundit në shtetin fqinj kanë ndërruar jetë nga koronavirusi 5 pacientë, duke e çuar në 35.097 në total.
Një ditë më parë ishin 10 të vdekur. Lajmi i mirë është që në Lombardi, që është dhe rajoni më i prekur në Itali nuk ka pasur asnjë viktimë në 24 orët e fundit dhe vetëm 53 raste të reja me COVID-19.
Edhe numri i të infektuarve ka rënë ku në 24 orët e fundit janë regjistruar 252 raste të reja, më pak se dje ku ishin 306. Në total që prej nisjes së pandemisë në Itali janë regjistruar 245.590 persona, përfshirë të vdekurit, të shëruarit dhe rastet aktive.
