Prezenca e OSBE-ODHIR në Tiranë ka reaguar pasi Kuvendi ka votuar ditën e sotme marrëveshjen e 5 qershorit me 97 vota pro.
Në reagimin e saj OSBE thotë se e mirëpret miratimin, ndërkaq thekson se zbatimi është kyç. Më tej i ka bërë thirrje të gjitha palëve politike të vijojnë dialogun për reforma të mëtejshme.
“Mirëpresim miratimin e ndryshimeve në Kodin Zgjedhor, sot, në Kuvendin e Shqipërisë, në përputhje me marrëveshjen që palët arritën më 5 qershor dhe mbështetur në rekomandimet e OSBE/ODIHR-it. Si me çdo reformë tjetër, zbatimi është kyç.
Ne mbetemi te gatshëm t’i ndihmojmë autoritetet shqiptare në këtë rrugë, si edhe për zhvillimin e hapave të tjerë të reformës. U bëjmë thirrje të gjitha palëve të vijojnë dialogun për reforma të mëtejshme”, thuhet në reagimin e OSBE.
