Lorik Cana me anë të një postimi në Facebook i ka falënderuar të gjithë ata që kanë qenë në rrugëtimin e tij për këto vite në futboll. Ai ka falënderuar të gjithë, për dashurinë, respektin dhe forcën që i kanë dhënë për 14 vite në Kombëtaren shqiptare.
Cana me tifozët dhe skuadrën u përshëndet mbrëmë para ndeshjes me Italinë, në një ceremoni të organizuar nga Federata Shqiptare e Futbollit.
Posimi i Canës:
Të nderuar miq vëllezer e motra, do të kisha shumë dëshirë të gjej fjalët dhe mënyrën për të shprehur mirënjohjën time të thellë për të gjithë juve që keni qenë pjesë e rrugëtimit tim dhe karierës sime si futbollist, duke filluar nga familja ime e mrekulluëshme , miqtë e mij, bashkëlojtarët, trajnerët, bashkpunëtorët, tifozët dhe çdo Shqiptar, për respektin, dashurinë dhe forcën që më keni dhuruar gjatë gjithë këtyre 14 viteve te karrierës sime sportive. Ndihem krenar, i lumtur dhe me fat që ju kam pasur gjithmonë afër meje . Zoti ju rujt juve dhe familjet tuaja dhe Zoti bekoft Atdheun tonë te dashur.
FALEMINDERIT për gjithë Juve.
Me respekt,
I Juaji Loriku
