GREQI- Një tjetër sasi droge është kapur në Greqi, ku janë sekuestruar rreth 264 kg marijuanë në Aleksandroupoli.
Mësohet se policia mbajti në vëzhgim zonën dhe arriti të arrestojë një 76-vjeçar grek që shkoi tek vendi ku ishte fshehur droga. Po ashtu bëhet e ditur se droga ishte ndarë në 8 çanta që përmbanin 200 pako me 263 kg 840 gr marijuanë.
Prej fillimit të vitit e deri ditën e sotme, në Igumenicëm Lefkadha, Kefalonia, Janinë, Athinë, Selanik, Artë, Kostur, Grevena e Follorine, Aleksandroupoli, policia greke ka sekuestruar rreth 7 ton marijuanë që vinte nga Shqipëria.
