Operacioni “Zallmneri” u përfundua me sukses nga blutë e Policisë së Shtetit, teksa në pranga kanë rënë katër persona të cilët ishin pjesë e bandës kryesore të shitblerjes së lëndëve narkotike.
“Koka” e bandës mësohet se është Xhevahir Lusha, shtetas shqiptar, banues në kryeqytet (pronar i një lokali) dhe i moshës 47 vjeç.
Redaksia e ALPENews.al ishte raportuese e këtij lajmi.
Lajmi nr.1 – Operacioni “Zallmneri” – ALPENews.al
Pas kërkimeve rezultoi se Xhevahir Lusha është ky person mëposhtë.
- KOORDINIMI DHE ORGANIZIMI
Lusha koordinonte të gjithë grupin e përbërë nga katër persona të tjerë (Ilirjan Selimi, dhe Ervin e Besnik Lika).
Xhevahiri kishte futur bashkë me djemtë e tjerë 67 kilogramë lëndë narkotike në një makinë (automjeti, tip “Golf”) teksa është zbuluar në flagrancë nga Policia e Shtetit.
Por jo vetëm kaq, operacioni “Zallmneri” ishte për të gjetur se këta persona të dyshuar kishin kohë që organizonin shitje dhe blerje të kanabisit në kryeqytet, teksa dyshohet se janë pjesë e një rrjeti më të gjërë droge.
- NJOFTIMI ZYRTAR I POLICISË SË SHTETIT
Finalizohet operacioni policor i koduar “Zallmneri” nga Seksioni kundër Narkotikëve në bashkëpunim me Komisariatin e Policisë Nr.5.
Goditet një tjetër rast i shitblerjes të lëndëve narkotike.
Arrestohen në flagrancë 4 shtetas si dhe shpallet në kërkim 1 tjetër.
Sekuestrohet lëndë narkotike, automjet dhe aparate celularë.
Seksioni kundër Narkotikëve në bashkëpunim me Komisariatin e Policisë Nr.5, në kuadër të operacionit policor të koduar “Zallmneri”, arrestuan në flagrancë shtetasit :
– Xhevahir Lusha, 47 vjeç, banues në Tiranë.
– Ilirjan Selimi, 34 vjeç, banues në Tiranë.
– Ervin Lika, 30 vjeç, banues në Tiranë.
– Besnik Lika, 26 vjeç, banues në Tiranë.
Si dhe u shpall në kërkim shtetasi:
– B. H., 26 vjeç, banues në Tiranë.
Këta shtetas në rrugën “Teuta” u kapën në flagrancë nga shërbimet e Policisë, ku në bashkëpunim me njëri tjetrin po transportonin qese me lëndë të dyshuar narkotike të llojit kanabis sativa, nga banesa e shtetasve (Ervin Lika dhe Besnik Lika, vëllezër), në bagazhin e një automjeti tip “Golf”.
U sekuestruan në cilësinë e provës materiale :
– 67 kg lëndë e dyshuar narkotike e llojit kanabis
– automjet tip “Golf”.
– 3 aparate celularë.
/ALPENews.al
