Presidenti i Shqipërisë, Ilir Meta ka folur sot për herë të parë në lidhje me kapjen e 613 kilogramëve kokainë në Durrës. I pyetur në lidhje me sigurinë dhe punën e policisë, presidenti Meta u shpreh se aksioni është pozitiv, por lufta ndaj krimit duhet rritur.
Sipas presidentit, është shqetësues fakti se si është marrë guximi për të trafikuar dhe sjellë në Shqipëri 613 kilogramë kokainë nga Kolumbia.
‘Aksioni i policisë është pozitiv, por edhe guximi për të nisur një ngarkesë të tillë është shqetësues. Lufta kundër këtij fenomeni dhe këtyre grupeve kriminale që janë forcuar ndjeshëm është një shqetësim.
Është një shqetësim edhe për çështje të sigurisë kombëtare. Kur grupet kriminale janë bërë një shqetësim për Italinë, që është një vend ku e ku më i madh se ne, atëherë ky është vërtetë një problem’, u shpreh Presidenti Ilir Meta.
